Fraud Alert news : चुकूनही तुमच्या स्मार्टफोनमध्ये करू नका डाउनलोड ‘ही’ अ‍ॅप्स, नाहीतर झटक्यात खाक होईल तुमची आयुष्यभराची कमाई

असे अॅप्स आहेत, ते इंस्टॉल करू नका

अँटी व्हायरस अॅप

तुम्हाला असे अनेक अॅप्स सापडतील जे तुमच्या मोबाईलला व्हायरसपासून वाचवण्याचा दावा करतात. पण तुमच्या मोबाईलमध्ये कोणत्याही प्रकारचे अँटी व्हायरस अॅप इन्स्टॉल करण्याची गरज नाही. ते मोफत असले तरी असे अॅप्स लोकांचा डेटा चोरतात.

फ्लॅश लाइट अॅप

आजकाल मोबाईल फोन फ्लॅश लाइटसह येतात, ज्याचा वापर तुम्ही अंधारात टॉर्च म्हणून करू शकता. पण बाजारात उपलब्ध असलेल्या अॅप्समध्ये वेगवेगळे फीचर्स असल्याने बरेच लोक ते इन्स्टॉलही करतात. पण तुम्ही हे कधीही करू नये. कारण असे अॅप्स तुमची वैयक्तिक आणि गोपनीय माहिती पूर्णपणे चोरू शकतात.

कीबोर्ड अॅप

तुमच्या स्मार्टफोनवर आता वेगळीच कीबोर्ड अॅप कधीही इन्स्टॉल करू नका. तुम्ही असे केल्यास, हे बनावट अॅप्स तुम्ही टाइप करत असताना तुमचे पासवर्ड चोरतात आणि तुमची आयुष्यभराची कमाई डोळ्याच्या झटक्यात चोरू शकतात.

क्लीन अ‍ॅप

अनेक लोक मोबाईलमधून जंक फाइल्स काढण्यासाठी आणि साफ करण्यासाठी स्वतंत्र क्लीनिंग अॅप्स इन्स्टॉल करतात. परंतु हे बनावट अॅप्स तुमच्याकडून अनेक परवानग्या मागवून तुमची सर्व माहिती चोरतात. त्यामुळे असे अॅप वापरू नका.