Last Updated on March 19, 2023 by Jyoti S.
Kisan Long March 2023
थोडं पण महत्वाचं
Kisan Long March 2023 : नाशिकहून मुंबईच्या(nashik-mumbai) दिशेने किसान लाँग मार्चला सुरुवात झाली आहे. 12 मार्चपासून सुरू झालेल्या या पदयात्रेत हजारो शेतकरी सहभागी झाले असून किसान सभा या मोर्चाचे प्रतिनिधित्व करत आहे.
आताच एक हृदय पिळवटून टाकणारी घटना समोर आलेली आहे. चालत असताना प्रकृती खालावल्याने एका शेतकऱ्याला रुग्णालयात दाखल करण्यात आले. मात्र उपचारादरम्यान शेतकऱ्याचा मृत्यू झाला. शेतकऱ्याच्या मृत्यूमुळे वातावरण तापले असून सरकारला कधी जाग येणार असा प्रश्न विचारला जात आहे.
यासंदर्भात व्हिडीओ पाहण्यासाठी इथे क्लिक करा
नाशिकहून मुंबईला जात असताना पुंडलिक अंबादास जाधव या शेतकऱ्याला अचानक अस्वस्थ वाटू लागले. यानंतर पुंडलिक यांना शहापूर येथील उपजिल्हा रुग्णालयात दाखल करण्यात आले. मात्र उपचारादरम्यान पुंडलिकचा मृत्यू झाला. जाधव यांच्या मृत्यूमुळे वातावरण तापले असून सरकार शेतकऱ्यांच्या प्रश्नांवर गांभीर्याने कधी विचार करणार, असा सवाल उपस्थित केला जात आहे.
दरम्यान, नाशिकचे पालकमंत्री दादा भुसे यांनी मृत पुंडलिकच्या कुटुंबीयांना 5 लाख रुपयांची मदत जाहीर केली आहे. आपल्या मागण्यांबाबत शेतकरी आक्रमक झाले असून, लाँग मार्चला सर्व स्तरातून मोठा प्रतिसाद मिळत आहे.
