Last Updated on December 25, 2022 by Taluka Post
IND WIN 2ND TEST: भारताने बांगलादेशला त्यांच्याच घरात क्लीन स्वीप केले ?आमचा WhatsApp ग्रुप जॉइन करा. जॉइन करण्यासाठी येथे क्लिक करा?
IND WIN 2ND TEST: ढाका येथील शेरे बांगला स्टेडियमवर खेळल्या गेलेल्या दुसऱ्या कसोटी सामन्यात भारतीय संघाने बांगलादेशचा ३ गडी राखून पराभव करत दोन सामन्यांच्या कसोटी मालिकेत २-० ने क्लीन स्वीप केले.
ढाका येथील शेरे बांगला स्टेडियमवर खेळल्या गेलेल्या दुसऱ्या कसोटी सामन्यात भारतीय संघाने बांगलादेशचा ३ गडी राखून पराभव करत दोन सामन्यांच्या कसोटी मालिकेत २-० ने क्लीन स्वीप केले. या मालिकेत संघातील सर्व खेळाडूंनी चांगली फलंदाजी आणि गोलंदाजी केली. भारतीय संघाने पहिला कसोटी सामना १८८ धावांनी जिंकला होता.
दुसऱ्या कसोटी सामन्यात बांगलादेशने नाणेफेक जिंकून प्रथम फलंदाजी करण्याचा निर्णय घेतला. बांगलादेशने पहिल्या डावात सर्व गडी गमावून 227 धावा केल्या. संघाकडून मोमिनुल हकने 157 चेंडूत 12 चौकार आणि एका षटकाराच्या मदतीने 84 धावा केल्या, तर लिटन दासने 26 चेंडूत 25 धावा केल्या. मुशफिकुर रहीमनेही २६ धावांचे महत्त्वपूर्ण योगदान दिले तर नजमुल हसन शांतोने २४ धावा केल्या.
भारताकडून उमेश यादव आणि रविचंद्रन अश्विनने 4-4 तर जयदेव उनाडकटने 2 बळी घेतले. यानंतर भारतीय संघाने पहिल्या डावात सर्व गडी गमावून 314 धावा केल्या. यष्टिरक्षक फलंदाज ऋषभ पंतने 105 चेंडूत 7 चौकार आणि 5 षटकारांच्या मदतीने 93 धावा केल्या तर श्रेयस अय्यरने 105 चेंडूत 10 चौकार आणि 2 षटकारांच्या मदतीने 87 धावा केल्या.
भारताने दुसरी कसोटी ३ गडी राखून जिंकली
यानंतर बांगलादेशला दुसऱ्या डावात सर्व विकेट्स गमावून केवळ 231 धावा करता आल्या. झाकीर हसनने 51 धावा केल्या तर लिटन दासने 73 धावांचे शानदार अर्धशतक झळकावले. नुरुल हसन आणि तस्किन अहमद यांनी ३१ धावा आणि ३१* धावांचे महत्त्वपूर्ण योगदान दिले.
भारताकडून दुसऱ्या डावात अक्षर पटेलने 3 तर रविचंद्रन अश्विन आणि मोहम्मद सिराजने प्रत्येकी 2 बळी घेतले. उमेश यादव आणि जयदेव उनाडकट यांनी प्रत्येकी एक विकेट घेतली.
भारताने 3 गडी राखून 145 धावांचे लक्ष्य पार केले. अक्षर पटेलने 34 तर श्रेयस अय्यरने 29* धावांची महत्त्वपूर्ण खेळी केली. रविचंद्रन अश्विनच्या 42* धावांच्या खेळीमुळे भारतीय संघाने हा सामना आपल्या नावावर केला.
यजमान बांगलादेशकडून मेहदी हसन मिराजने 5 तर कर्णधार शकिब अल हसनने 2 बळी घेतले.
The scientist did it. Somehow got this one. Brilliant innings from Ashwin and wonderful partnership with Shreyas Iyer. pic.twitter.com/TGBn29M7Cg
— Virender Sehwag (@virendersehwag) December 25, 2022
हेही वाचा: IPL 2023: आयपीएल-2023 ची तारीख ठरली, यंदा आठवडाभर उशिरा सुरु होणार स्पर्धा..
