Last Updated on December 12, 2022 by Jyoti S.
CNG Price Hike : आता नैसर्गिक वायूच्या किमतीत वाढ झाल्याने सीएनजीच्या दरात सुद्धा वाढ झाली आहे. परिणाम सीएनजी गाड्यांच्या वापरात घट झाली आहे.
गेल्या वर्षभरा मध्ये भारतात सीएनजी (CNG)
गाड्यांच्या वापरात घट झाल्याचं दिसून आलं आहे. एका रिपोर्टनुसार, देशात आता सीएनजी गाड्यांचा (CNG Car) वापर कमी झाला आहे. या अहवालानुसार, मागील वर्षांमध्ये नैसर्गिक गॅसच्या (Natural Gas) किमतीत मोठ्या प्रमाणात वाढ झाली आहे. त्यामुळे सीएनजीच्या दरात देखील वाढ झाली, परिणामी सीएनजी गाड्यांचा वापर लोकांमध्ये कमी झाला आहे.
सीएनजीच्या दरात 70 टक्क्यांची वाढ
(ICRA) एजन्सीच्या रिपोर्टनुसार, नैसर्गिक वायूच्या किमती खूप वाढल्याने आर्थिक वर्षी 2022-23 मध्ये वाहनांमधील सीएनजीचा वापर 9 वरून 10 टक्क्याने कमी झाला तर पूर्वी हे प्रमाण 16 टक्के होते. रेटिंग एजन्सीच्या अहवालानुसार, जागतिक स्तरावरील नैसर्गिक वायूच्या किमती वाढल्याने गेल्या वर्षभरात सीएनजीच्या किमती ह्या आता 70 टक्क्यांनी वाढल्या आहेत. त्यामुळे डिझेल आणि सीएनजीमधील किंमतीतील फरक खूपच कमी झाल्याने दोन्हीचे दर समान झाले आहेत. त्यामुळे सीएनजी वाहनांचा पर्याय टाळत आहेत.
आमचा मराठी बातम्या WhatsApp ग्रुप जॉइन करा. जॉइन करण्यासाठी येथे क्लिक करा
सीएनजीचा वापर घटला
इक्रा रेटिंग्सने एका निवेदनात म्हटले की, सीएनजीच्या किमतीत वाढ झाल्यामुळे,सीएनजी वाहनांच्या ग्राहकांची पेट्रोल-डिझेलच्या खर्चात जास्त बचत होत नाही. यामुळे, चालू आर्थिक वर्षात व्यावसायिक वाहनांमध्ये सीएनजीचा वापर खूपच कमी झाला आहे.
14 महिन्यांत सीएनजी 73 टक्क्यांनी महागला
सीएनजीचे दर 70 हून अधिक टक्क्यांनी वाढले आहेत. 1 ऑक्टोबर 2021 पूर्वी राजधानी दिल्लीत CNG 45.5 रुपये प्रा किलो दराने उपलब्ध होता. मात्र आताचा काळात सीएनजी हा 78.61 रुपये प्रतिकिलो दराने उपलब्ध आहे. तसेच 14 महिन्यांत सीएनजी 33.11 रुपये प्रति किलो म्हणजेच 73 टक्के एवढा महागला आहे. सीएनजीच्या ह्या वाढलेल्या दरामुळे वाहनधारकांचे बजेट बिघडलं आहे.
सीएनजी गाड्यांची संख्याही कमी झाली.अबब!!!!!!! 20 कोटीची महागडी गाडी तुम्ही बघितली का?
इक्राच्या रिपोर्टनुसार, ‘एकूण वाहनांमध्ये सीएनजीचा वापर 2021-22 मध्ये 38 टक्क्यांवरून 2022-23 च्या पहिल्या आठ महिन्यांत 27 टक्के आहे. पण, तरीही प्रवासी विभागामध्ये सीएनजीचा वापर सुरूच आहे. आताचा काळात सीएनजीसह इलेक्ट्रिक वाहनांचा वापर अधिक प्रमाणात वाढवण्याची अपेक्षा असल्याचं इक्रानं म्हटले आहे.
कच्च्या तेलाच्या किमतीत घट
आंतरराष्ट्रीय बाजारात कच्च्या तेलाच्या किमतीत कायम चढउतार होत आहे. . ब्रेंट क्रूड ह्या ऑइलच्या किमतीत आज 0.05 टक्क्यांनी कमी झाली आहे. क्रूड ऑइल प्रति बॅरल 76.10 डॉलरवर पोहोचले आहे. तर WTI कच्च्या तेलाच्या किमतीतही घसरण सुरुच झाली असून त्याची किंमत आता प्रति बॅरल 71.02 डॉलरवर गेली.
