Last Updated on September 27, 2023 by Jyoti Shinde
Scrub Typhus
नाशिक : देशात कोरोना महामारीने थैमान घातल्यानंतर निपाह व्हायरस आला. केरळ राज्यात निपाह व्हायरसने कहर केला आहे. निपाह व्हायरसनंतर आता ‘स्क्रब टायफस’ आजाराने चिंता वाढवली आहे. या आजाराचे रुग्ण वाढले असून लोकांमध्ये भीतीचे वातावरण आहे.
या दुर्मिळ आजाराने हिमाचल प्रदेश आणि ओडिशा या दोन्ही राज्यांमध्ये प्रवेश केला आहे. या दोन राज्यात आतापर्यंत 15 रुग्णांचा मृत्यू झाला आहे.
देशातील इतर राज्यांमध्येही या आजाराच्या रुग्णांची संख्या वाढत आहे. तर, स्क्रब टायफस रोग म्हणजे नक्की काय? हा रोग कसा पसरतो? आणि या स्क्रब टायफस आजाराची लक्षणे काय आहेत? या संदर्भात जाणून घेऊया.Scrub Typhus
स्क्रब टायफस म्हणजे काय?
स्क्रब टायफस हा देशातील दुर्मिळ आजारांपैकी एक आहे. ‘ओरिएटिया सुसुगामुशी’ नावाचा जीवाणू शरीरात गेल्यावर हा आजार होतो. उंदीर, ससा, खारुताई यांच्या शरीरावर एक प्रकारचा कीटक आढळतो. हा कीटक दाट गवतावर आढळतो. या किडीच्या चाव्यामुळे ‘ओरिएटिया त्सुगामुशी’ जीवाणू आपल्या शरीरात प्रवेश करतात.
हा कीटक दाट झाडी किंवा ओलसर ठिकाणी देखील आढळतो. या रोगामुळे मृत्यू दर सुमारे 30% आहे. त्यामुळे हा आजार अत्यंत धोकादायक मानला जातो.
स्क्रब टायफसचा प्रसार कसा होतो?
जेव्हा ‘ओरिएटिया त्सुत्सुगामुशी’ जीवाणू शरीरात प्रवेश करतात तेव्हा माणसाला स्क्रब टायफसची लागण होते. हा एक संसर्गजन्य रोग आहे. त्यामुळे हा रोग संक्रमित व्यक्तीच्या संपर्कात आल्याने किंवा त्या किडीच्या विष्ठेच्या संपर्कात आल्याने होऊ शकतो. संसर्ग झालेल्या व्यक्तीसोबत इंजेक्शन शेअर करूनही हा आजार पसरू शकतो.
स्क्रब टायफसची लक्षणे कोणती?
उच्च ताप
तीव्र डोकेदुखी
कोरडा खोकला
अशक्तपणा
चक्कर येणे
बेशुद्धी
यकृत समस्यांचा विकास
श्वास घेण्यात अडचण
शरीरावर पुरळ
शरीर वेदना
शरीरावर जखमेच्या खुणा
कीटकांच्या चाव्याव्दारे अल्सर
अशी काळजी घ्या
झुडपात किंवा शेतात काम करताना पूर्ण बाह्य कपडे घालावेत.
शेतात काम करताना हातमोजे किंवा गमबूट घालायला विसरू नका.
उघड्यावर शौचास जाणे टाळावे.
झुडपात किंवा शेतात काम केल्यानंतर गरम पाण्यात कपडे भिजवावेत.