Last Updated on December 24, 2022 by Jyoti S.
To retired jawans: निवृत्त जवानांना नववर्षाची भेट, ‘वन रँक-वन पेन्शन’ योजनेतील सुधारणेस सरकारची मंजुरी..
भारतीय लष्करासाठीच्या ‘वन रँक-वन पेन्शन’ योजनेत सुधारणा करण्यास मोदी सरकारने मंजुरी दिली. हा निर्णय(To retired jawans) पूर्वलक्ष्यी प्रभावाने, 1 जुलै 2019 पासून लागू होणार असून, त्याचा लाभ सुमारे 25 लाख निवृत्त सैनिकांना होणार आहे.
काय फायदा होणार..?
▪️ जुलै 2019 ते जून 2022 या काळातील थकबाकीपोटी निवृत्ती वेतनधारकांना 23,638 कोटी रुपये मिळतील. त्यामुळे सरकारी तिजोरीवर 8,450 कोटींचा अतिरिक्त वार्षिक बोजा पडेल.
▪️ शहिद जवानांच्या पत्नी, तसेच दिव्यांग निवृत्तीवेतनधारकांसह कौटुंबीक निवृत्ती वेतनधारकांनाही या निर्णयाचा लाभ मिळेल. ही थकबाकी चार सहामाही हप्त्यांमध्ये दिली जाईल.
▪️ 2018 मध्ये निवृत्त झालेल्या जवानांच्या किमान व कमाल पेन्शनच्या सरासरीच्या आधारे त्याच श्रेणी व सेवा कालावधीसह आधीच्या जवानांना लाभ मिळेल.
हेही वाच: Ration: रेशन ‘या’ महिन्यापर्यंत मोफत मिळणार, केंद्र सरकारचा मोठा निर्णय..
▪️ 30 जून 2019 पर्यंत सेवानिवृत्त झालेल्या सैनिकांना या निर्णयाचा लाभ मिळेल, परंतु 1 जुलै 2014 पासून मुदतपूर्व निवृत्त झालेल्या जवानांना यातून वगळण्यात आले आहे.
