Last Updated on December 24, 2022 by Jyoti S.
Zp Naukari : जम्बो भरती होणार ७७४ पदांसाठी
एप्रिलअखेर अंतिम निवड; टीसीएस कंपनीवर नोकरभरतीची जबाबदारी
Zp Naukari : “जिल्हा परिषद नोकरभरतीसाठी शासनाच्या मार्गदर्शक सूचनेनुसार कागदपत्रे जमा केली जात आहेत. नोकरभरतीसाठी कंपनी निश्चित करण्यात आली. आता या कंपनीबरोबर करार करणे बाकी आहे. ही प्रक्रिया लवकरच पूर्ण करण्यात येत आहे. रोष्टर तपासणीबाबत सर्व विभागांना सूचना देण्यात आल्या. यासाठीच आता सुटीच्या दिवशीही कार्यालय सुरू ठेवण्यात आले आहे. मनीषा देसाई, उपमुख्य कार्यकारी अधिकारी, सामान्य प्रशासन राज्य शासनाने जाहीर केलेल्या सूचनेनंतर नोकरभरतीला आता चांगला मुहूर्त मिळाला आहे. जिल्हा परिषदेची आज ८२६ पदे रिक्त आहेत. यापैकी आता ८० टक्के म्हणजे ७७४ पदांची भरती(Zp Naukari) केली जाईल. साधारणपणे आता एप्रिल २०२३ च्या निवड झालेल्या उमदेवारांना नियुक्तिपत्रे दिली जाणार आहेत. या सर्व नोकरभरतीत रोष्टरची अडचण मोठ्या प्रमाणात येत आहे. आजअखेर निवड झालेल्या कर्मचाऱ्यांच्या fresh आदेश मागासवर्ग कक्षाने मागविले आहेत. मात्र, यात कर्मचारी संख्या मोठी असल्याने या आदेशाची शोधाशोध सुरू झाली आहे . त्याचमुळे आता सुटीच्या दिवशीही कागदपत्रांचा शोध घेतला जाणार आहे.
अनेक वर्षे नोकर भरतीची मागणी होत होती. सर्वच सरकारांनी नोकरभरतीची घोषणा केली. अर्ज मागवले व नंतर परीक्षांना स्थगिती दिली. आता परत ही प्रक्रिया सुरू करण्यात आली आहे. जिल्हा परिषदेकडे एकूण १९ प्रवर्ग व ४९ प्रकारची सर्व पदे आहेत. एकूण मंजूर पदांची संख्या दोन हजार ६५० इतकी आहे. यातील एक हजार ८३१ पदे भरली असून, ८२६ पदे अजूनही शिल्लक आहेत. यातील ७७४ पदांसाठी नोकर भरती(Zp Naukari) होणार आहे. या नोकर भरतीरी टीसीएस कंपनीची निवड करण्यात आली. त्या अनुषंगाने सर्व खातेप्रमुख व कंपनीचे प्रतिनिधी यांच्यामध्ये चर्चा झाली होती . यावेळी जाहिरात प्रसिद्ध करेपर्यंतची जबाबदारी ही जिल्हा परिषदेची राहणार असून, पेपर तयार करणे, परीक्षा घेणे, केंद्रांची निवड करणे व अंतिम निवड यादी देण्यापर्यंतची सर्व जबाबदारी हि कंपनीवर सोपविण्यात आली आहे.हेही वाचा: ZP School : नवीन वर्षात जि.प.मध्ये ‘अनुकंपा’वर नोकरी
पहिल्या टप्यात आरोगय विभागातील रिक्त जागांसाठी(Zp Naukari) परीक्षा होणार आहे. आता नवीन वर्षांमध्ये जानेवारीच्या पहिल्या आठवड्यात यासाठीची जाहिरात प्रसिद्ध केली जाणार आहे. तर उर्वरित पदांसाठीची जाहिरात ही आता फेब्रुवारीत प्रसिद्ध केली जाईल असे सांगण्यात आले.
दरम्यान, सर्वच पदांची नोकरभरती करण्यापूर्वी सध्यातिथे काम करत असणाऱ्या सर्व कर्मचाऱ्यांची संवर्गनिहाय माहिती व निवडीबाबतची कागदपत्रे मागवण्यात आली आहेत. या सर्व कागदपत्रांची पडताळणी केल्यानंतरच रोष्टर निश्चिती केली जाणार आहे. (Zp Naukari)यासाठी २७ व २८ डिसेंबरला रोष्टर तपासणीसाठी सर्व विभागांची माहिती सुद्धा पाठवण्यात येणार आहे. सध्या तरी फक्त कृषी विभागाचेच फक्त रोष्टर मंजूर करण्यात आले आहे. कृषी विभागाची कर्मचारी संख्या कमी असून सगळ्यात जास्त कर्मचारी संख्या ही आरोग्य व ग्रामपंचायत विभागाची आहे. त्याचमुळे आता या रोष्टर मंजुरीला विलंब होण्याची शक्यता वर्तवली जात आहे
