Last Updated on June 28, 2023 by Jyoti Shinde
Nashik toll Naka news
नाशिक : नाशिक शहर परिसरात राहणाऱ्या नागरिकांना खासगी वाहनाने चांदवडला जायचे असल्यास केवळ ६० किमीसाठी ३८५ रुपये टोल भरावा लागतो. सध्या, राज्यात सर्वाधिक टोल समृद्धी महामार्गावर आकारला जातो, जेथे खाजगी चारचाकी वाहनांना प्रति किमी 1.65 रुपये टोल आकारला जातो, तर मुंबई-आग्रा महामार्गावर वाहन चालविण्यासाठी 6 रुपये प्रति किमी टोल आकारला जातो. दिवसभर नागरिकांच्या या लुटीकडे महामार्ग विकास प्राधिकरण डोळेझाक करत असल्याचे दिसून येत आहे. यापूर्वीही अनेक राजकीय कार्यकर्त्यांनी ही बाब त्यांच्या निदर्शनास आणून दिली असली तरी आश्वासन समितीकडून काहीच केले जात नाही.Nashik toll Naka news
मुंबई आग्रा महामार्गावर नाशिक जिल्ह्यात घोटी, पिंपळगाव बसवंत आणि चांदवड अशी तीन टोलनाके आहेत. ठाणे जिल्ह्यातील पडघ्यानंतर घोटी येथे सुमारे ६० किमीवर आणि पुन्हा पिंपळगाव बसवंत येथे ६० किमीवर टोल बुथ आहे. यानंतर अवघ्या 35 किलोमीटर अंतरावर चांदवडमध्ये टोलनाका आहे. मुंबई ते नाशिकपर्यंत दोनच टोलनाके असल्याने नुकसान भरपाईसाठी पिंपळगाव आणि चांदवड येथील निम्म्या टोलनाक्यांवर टोल वसूल केला जातो. या महामार्गावरून मुंबईहून जाणाऱ्या वाहनांसाठी हे दर लागू असताना नाशिकहून चांदवड, मनमाड, मालेगावकडे जाणाऱ्या चारचाकी वाहनांना केवळ 60 किलोमीटरसाठी ३८५ रुपये टोल भरावा लागतो. यामध्ये पिंपळगाव बसवंत टोल बुथवर चारचाकी वाहनांकडून 220 रुपये आणि चांदवड टोल बुथवर 165 रुपये आकारले जातात.
थोडं पण महत्वाचं
पिंपळगाव बसवंतच्या टोल बुथवर ५० रुपये सवलत आहे. मात्र, यासाठी वाहनधारकांना पिंपळगाव बसवंत टोल नाक्यावर वाहनाची नोंदणी करावी लागणार आहे. दरवर्षी नवीन नोंदणी करावी लागणार आहे. पिंपळगाव बसवंत आणि पलीकडचे लोक येथे नियमित येतात, त्यामुळे ते नोंदणी करतात. मात्र, अनेकवेळा मालेगाव, चांदवडकडे जाणारे वाहनचालक नोंदणीशिवाय या महामार्गावरून जातात तेव्हा फास्ट टॅगद्वारे 220 रुपये टोल वसूल केला जातो. तसेच चांदवड येथे सुद्धा १२६ रुपये इतका टोल आकारला जातो.
नाशिक जिल्ह्यातील वाहनांना पिंपळगाव बसवंत टोल नाक्यावर ४० रुपये शुल्क आकारण्यातून सूट देण्यात आली असताना त्याची नोंदणी करणे म्हणजे वाहनधारकांची उघड लूट आहे. ही लूट न थांबल्याने वाहनचालकांमध्ये असंतोषाची भावना वाढली आहे. नाशिकपासून चांदवड केवळ 60 किमी अंतरावर असून वाहनधारकांना 385 रुपये टोल भरावा लागतो जो देशातील सर्वाधिक आहे. राष्ट्रीय महामार्ग प्राधिकरणाचे संचालक भाऊसाहेब साळुंखे यांनी नागरिकांनी स्थानिक वाहनांना सूट मिळावी, असे उत्तर दिले. मात्र, वाहन क्रमांक पाहून सूट देण्याऐवजी नोंदणी करणे बंधनकारक का, असा प्रश्न वाहनधारकांना पडला आहे.Nashik toll Naka news
पर्यायी मार्गाने अवजड वाहतूक
मुंबई-आग्रा राष्ट्रीय महामार्गाने मुंबईहून येणारी वाहने नाशिकला आल्यावर छत्रपती संभाजी महाराज मार्गाने निफाड आणि तेथून पुन्हा चांदवडमार्गे राष्ट्रीय महामार्गावर येतात. अवजड वाहनांवर प्रत्येक टोल नाक्यावर हजारो रुपये आकारले जात असल्याने ते वाचवण्यासाठी वाहनधारक वेगवेगळे मार्ग शोधत आहेत. त्यामुळे तुलनेने कमी रुंदीच्या रस्त्यांवर अवजड वाहतुकीचे प्रमाण वाढले आहे. तसेच नांदगाव, मनमाड येथील वाहनांना स्थानिक वाहनांना सवलत नसल्याने ते चांदवडमार्गे जाणे टाळून लासलगाव, विंचूरमार्गे नाशिकला येतात. त्यामुळे या मार्गावरील वाहतूक वाढली आहे.
केवळ 60 किमीसाठी 285 रुपये टोल आकारणे ही शुद्ध लूट आहे. नाशिक जिल्ह्यातील सर्व खासगी चारचाकी वाहनांना टोल आकारणी करताना सर्वसाधारण व बिनशर्त सूट लागू करण्याची गरज आहे.Nashik toll Naka news
हेही वाचा: Todays weather:महाराष्ट्रामध्ये पुढील दोन दिवस मुसळधार ते अतिवृष्टीचा अंदाज वर्तवण्यात आलेला आहे.